Dollar ilin əvvəlindən 5 faiz BAHALAŞDI

Dollar ilin əvvəlindən 5 faiz BAHALAŞDI

Son 3 gündə ABŞ dollarının qlobal məzənnə dəyərində yenidən yüksəlmə müşahidə edilir. 

 

Sfera.az xəbər verir ki, dolların qlobal məzənnə dəyərini ifadə edən Dollar İndeksi aprelin 9-da 103,7 olduğu halda bu gün 105,4 həddini ötüb. 

 

Ümumimilikdə, bu ilin əvvəlindən ABŞ valyutası bahalaşır. İlin ilk günlərində indeks 100 səviyyəsində idi və ötən yüz gün ərzində indeks 5 faizdən çox yüksəlib. 

 

Dolların bahalaşmasına Avropada müharibə təhlükəsinin olması, İsrail-Fələstin müharibəsinin bir qədər də ağırlaşması və ABŞ-də inflyasiyanın hələ də hədəflənən səviyyəyə enməməsi səbəb olur. 

 

Avropanın Rusiya ilə müharibə təhlükəsinin olması iddiaları avronu ucuzlaşdırır. Avro ucuzlaşdıqda isə dolların qlobal məzənnə dəyərində yüksəlmə baş verir.

 

İsrail-Fələstin müharibəsinin bir qədər də ağırlaşması da dolların möhkəmlənməsinə əsas yaradır. Çünki müharibənin ağırlaşması nefti bahalaşdırır və mövcud yüksək qiymətlər ABŞ-ni narahat edir. Belə vəziyyətdə dolların möhkəmlənməsi neftin qiymətinin daha çox artmasının müəyyən qədər qarşısını alır. 

 

Üçüncü səbəb ABŞ-də inflyasiyanın yüksək olmasıdır. Son açıqlanan məlumatlara əsasən ABŞ-də yenidən inflyasiya yüksəlir. Martda inflyasiyanın 3,5 faiz səviyyəsində olduğu açıqlanıb. Bu, hədəf inflyasiya göstəricisindən yüksəkdir. ABŞ illik inflyasiyanın 2 faiz ətrafında olmasını istəyir. 

 

İnflyasiya yüksək olduğundan ABŞ-da faizlərin enməsi təxirə salına bilər ki, bu da dolların hələ bir müddət də baha olmasına əsas yaradacaq. 

 

Vasif


OXŞAR XƏBƏRLƏR

Azərbaycanda ilk dəfə COP 29 çərçivəsində yeni ixtisaslar YARADILIR

Azərbaycanda ilk dəfə olaraq Peşə Təhsil sistemində COP 29 ili çərçivəsində yeni ixtisaslar yaradılır.   Sfera.az xəbər verir ki, bunu iyunun 24...

"Roma"nın futbolçusu klubdan AYRILACAQ

İtaliya təmsilçisi "Roma"nın futbolçusu Leonardo Spinatsola klubdan ayrılacaq.   Sfera.az xarici KİV-ə istinadən xəbər verir ki, 31 yaşlı m...

COP29 prezidenti iqlim həftəsi çərçivəsində Londonda bir sıra görüşlər KEÇİRDİ

Ekologiya və təbii sərvətlər naziri, COP29-un prezidenti Muxtar Babayev iqlim həftəsi çərçivəsində Londonda bir sıra görüşlər keçirib.   Sfera.az xəb...

100-dən aşağı bal toplayan abituriyentlərin çoxu bu rayonlardadır

2023-cü ildə abituriyentlərin 20 faizindən çoxunun 100-dən aşağı bal topladığı bölgələr açıqlanıb.   Sfera.az xəbər verir ki, bu barədə “Abitur...

Azərbaycanda yeni DƏLƏDUZLUQ ÜSULU: "Soliton"un adı ilə... - XƏBƏRDARLIQ!

Son zamanlar dələduzluq faktları artır. Artıq fırıldaqçılar "fəaliyyətləri"nə süni intellekti də alət ediblər. Belə ki, dələduzlar süni...

Universitetdən imtina edən tələbə yenidən ödənişsiz təhsil ala bilərmi? – Rəsmi CAVAB

“Təhsil haqqında” Azərbaycan Respublikasının Qanununa görə, hər bir vətəndaşın dövlət orta ixtisas təhsili pilləsində, peşə təhsili və ali təhsilin ...