Keçmiş amerikalı futbolçu OJ Simpson vəfat edib.

Sfera.az bildirir ki, bu barədə onun ailə üzvləri məlumat yayıb. Qeyd olunub ki, Simpson xərçəng xəstəliyindən dünyasını dəyişib.

76 yaşında vəfat edən OJ Simpson bir vaxtlar ölkənin əsas amerikalı futbolçularından biri idi. OJ Simpson keçmiş həyat yoldaşı Nikol Braun Simpson və onun sevgilisi Ron Qoldmanın qətlinə görə mühakimə olunmuşdu. 1995-ci ildə televiziyada canlı yayımlanan Simpsonun məhkəməsi bütün dünyada izlənilmişdi. Hətta aylardır haqqında danışılan bu işi “əsrin məhkəməsi” adlandıranlar da var idi. Simpson bəraət qazansa da, daha sonra Las-Veqasda silahlı soyğunçuluq və adam oğurluğu ittihamı ilə mühakimə olunmuşdu.

Türkan