Rusiya və Çin Ukrayna ilə bağlı razılığa gəldi: "Əbəsdir!"

Rusiya və Çin Ukrayna məsələsi ilə bağlı razılığa gəliblər.

Sfera.az “TASS”a istinadən xəbər verir ki, bunu Rusiyanın xarici işlər naziri Sergey Lavrov çinli həmkarı Vanq Yi ilə keçirdiyi mətbuat konfransında bildirib.

"Biz Ukrayna böhranı ətrafında mövcud vəziyyəti müzakirə etdik. Bu qənaətə gəldik ki, Rusiyanın mövqeyinə məhəl qoymayan istənilən beynəlxalq görüşlər əbəsdir”,  - o əlavə edib.

Lavrov qeyd edib ki, Moskva Ukrayna ilə bağlı qərəzsiz və balanslı mövqeyinə, habelə böhranın siyasi və diplomatik yolla həllində müsbət rol oynamağa hazır olduğuna görə Pekinə minnətdardır.

Firuzə Əliyeva