Ukrayna sülh sammitinin tarixi açıqlandı

İsveçrə iyunun ortalarında Ukrayna ilə bağlı sülh sammiti keçirməyi planlaşdırır.

Sfera.az xəbər verir ki, bu barədə "Bloomberg" mənbələrə istinadən məlumat yayıb.

Qeyd olunur ki, tədbirdə Qlobal Güney adlanan 80-dən 100-ə qədər ölkə iştirak edəcək.

Konfransın iyunun 16-17-də baş tuta biləcəyi güman edilir.

Aprelin 7-də Ukrayna Prezidenti Volodimir Zelenski deyib ki, Kiyev yaxın günlərdə İsveçrə ilə sülh sammitinin tarixi ilə bağlı razılığa gələcək və orada yüzə qədər ölkənin iştirak edəcəyinə ümid edir.
 

İsveçrə Xarici İşlər Nazirliyinin rəsmi nümayəndəsi Pier Alain Elchinger isə aprelin 4-də bildirib ki, Ukraynada sülhə yol yaratmaq üçün İsveçrənin müxtəlif baxışları birləşdirməsi vacibdir.


Bundan əvvəl Ukraynanın xarici işlər naziri Dmitri Kuleba bildirib ki, Ukrayna ilə münaqişənin həlli ilə bağlı Rusiya ilə danışıqlar Kiyevin “sülh formulu” üzrə birinci və ikinci sammitlər arasında aparıla bilər.

Əzizə Zeynal
sfera.az