Cənub Okeanı yer üzündə ən təmiz havaya sahibdir - Alimlər səbəbi AŞKARLADI

Alimlər Cənub Okeanının yer üzündə ən təmiz havaya sahib olmasını və bunun səbəbini aşkar ediblər. 

Sfera.az xəbər verir ki, araşdırmanın nəticələri "npj Climate and Atmospheric Science" jurnalında dərc olunub .

Havada aşağı səviyyədə aerozollar və ya maye damcıları varsa, hava təmiz sayılır. Cənub Okean üzərindəki aerozol səviyyələrinə bir sıra amillər, o cümlədən havadakı sulfat hissəciklərinin mənbəyi olan fitoplankton adlanan kiçik bitkiyəbənzər orqanizmlərin böyüməsindəki mövsümi dalğalanmalar təsir göstərir.

Cənub Okeanın Yer kürəsinin ən buludlu yeri olduğu da məlumdur. Bundan əlavə, burada tez-tez qısamüddətli arabir yağışlar müşahidə olunur. Bu amillərin havanın təmizliyinə mümkün təsirini müəyyən etmək üçün alimlər Cənub Okeanın geniş ərazisində müxtəlif bulud nümunələrini tanımaq üçün kompüter proqramı hazırlayıblar. Xüsusilə, iqlimin tənzimlənməsində mühüm rol oynayan "pətək stratocumulus" buludları axtarılıb.

Məlum olub ki, havanın ən təmiz olduğu günlər daha çox işıq buraxan “açıq” pətək buludlarının olması ilə əlaqələndirilir. Belə buludlar daha çox nəm ehtiva edir və bu buludlardan "qapalı" buludlardan daha çox yağış yağır.

İnci