Rusiyada bənd uçdu, bu şəhər su altında qaldı - FOTOLAR

Rusiyanın Orenburq vilayətinin Orsk şəhərində daha bir su bəndi aşıb. 

Sfera.az bildirir ki, hadisə Lesotorqovı kəndi yaxınlığında baş verib. Suyun fərdi evlərə çatdığı bildirilib. Məlumata görə, kənd sakinləri təcili olaraq təxliyə olunur.

Digər tərəfdən, Rusiya prezidentinin mətbuat katibi Dmitri Peskov daşqınlarla bağlı jurnalistlərin suallarını cavablandırıb. “Putin bu səhər qubernatorların daşqın vəziyyəti ilə bağlı hesabatlarını dinləyib. Rusiya prezidenti xüsusi komissiyanın yaradılması barədə göstəriş verib”, - o qeyd edib.

Kremlin sözçüsü əlavə edib ki, komissiyaya Rusiyanın fövqəladə hallar naziri Aleksandr Kurenkov rəhbərlik edəcək. 

Qeyd edək ki, bir neçə gün əvvəl Rusiyada Ural çayının daşması nəticəsində Orsk şəhərində bənd uçub, minlərlə evi su basıb. İnsanlar məskunlaşan ərazilərdən təxliyə edilib.

Günay