Aliment verməmək üçün özünü "öldürdü" – MARAQLI HADİSƏ

ABŞ-nin Kentukki ştatında yaşayan Cessi Kipf adlı şəxs keçmiş həyat yoldaşına aliment ödəməmək üçün saxta sənədlər düzəldərək özünü “öldürüb”. 

Sfera.az xəbər verir ki, uşağına görə ildə 100 min dollar aliment ödəməkdən imtina edən şəxs Havay ştatında Səhiyyə Departamentinin informasiya bazasına daxil olaraq mərkəzi sistemdə özünü ölmüş kimi göstərməyə nail olub. Bununla da kifayətlənməyən Kipf bir həkimin elektron imzasından istifadə edərək özü haqqında ölüm şəhadətnaməsini də təsdiqləyib. 

Etdiyi saxtakarlıq bir müddət Kipfə fayda gətirsə də, onun dələduzluq əməli çox keçmədən ifşa edilib. 

Araşdırma nəticəsində məlum olub ki, Kipf Havay ştatının Səhiyyə Departamentinə 3500 dollar, keçmiş həyat yoldaşına isə 116 min dollar zərər vurub. Kipf tərəflərə təzminat ödəyəcəyini bildirib. Bu razılaşma sayəsində Kipfin daha yüngül cəza alacağı gözlənilir.

Vasif