İsrail ordusu Hizbullahın bölgə komandirini MƏHV ETDİ

İsrail ordusunun Livana hava hücumu nəticəsində Hizbullahın 3 üzvü ölüb. 

Sfera.az Anadolu Agentliyinə istinadən xəbər verir ki, İsrail ordusuna aid döyüş təyyarələri Livanın Sur şəhərinin Sultaniyyə kəndindəki bir evə hava hücumu həyata keçirib. Əməliyyat zamanı Hizbullahın hərbi qanadı "Raduan"ın Hacir bölgə rəisi Əli Əhməd Hasi Sur və daha iki Hizbullah döyüşçüsü ölüb. Hasinin Hizbullahın bölgədəki yüksək səviyyəli komandirlərindən biri olduğu və İsrailə qarşı bir çox hücumlarda iştirak etdiyi bildirilib.

Anadolu Agentliyi bu məlumatı Livanın rəsmi agentliyi NNA-nın xəbərinə istinadən yayıb. 

NNA-nın məlumatına əsasən, Hizbullah da Əli Əhməd Hasinin İsrailin hücumu nəticəsində öldüyünü təsdiqləyib. 

Vasif