Gənc qadın doğuşdan sonra nitq qabiliyyətini itirdi, əlil arabasına möhtac oldu - FOTOLAR

Britaniyalı qadın qeysəriyyə əməliyyatından sonra danışma qabiliyyətini itirib və əlil arabasından istifadə etmək məcburiyyətində qalıb. 

Sfera.az xəbər verir ki, bu barədə "Mirror" məlumat yayıb.

Bir neçə il əvvəl Şimali Yorkşirdən olan 31 yaşlı Leanne Fraser ana olub. Oğlu Henri qeysəriyyə əməliyyatı ilə tam sağlam doğulub, lakin həkimlərin ilkin versiyasına görə Leannenin bədəni anesteziyaya mənfi reaksiya verib. Əməliyyatdan sonra o, funksional nevroloji pozğunluqla üzləşib, ona görə də il yarım normal danışa bilməyib. Belə ki, qadın əvvəlcə danışarkən kəkələməyə başlayıb, sonra isə gənc anada qıcolmalar yaranıb.

Qadın iddia edib ki, Piter Andrenin “Sirli qız” mahnısı sayəsində nitqini bərpa edə bilib. O, bu mahnını zümzümə etməyə başlayıb və nəticədə əri və tibb bacısı ilə müəyyən səviyyədə danışa bilib. Leanne indi məşqlərini davam etdirərkən müntəzəm olaraq mahnılardan istifadə edir və hələ də qeyri-epileptik tutmalar kimi digər simptomlarla mübarizə aparır. O, indi qıcolmalar üçün dərmanlar və bel spazmları ilə mübarizə aparmaq üçün ağrıkəsicilər qəbul edir. Bundan əlavə, britaniyalı qadın tez-tez evdə əsadan, çöldə isə əlil arabasından istifadə edir.

“Mən gündə bir neçə saat huşumu itirirəm. Yemək bişirə, maşın sürə bilmirəm. 32 yaşımda əlil arabasından istifadə etməli olacağımı heç düşünməzdim. Bu, yorucudur", - Leanne etiraf edib.

İnci