Rəqəmsal asılılıq nədir? - Mütəxəssisdən AÇIQLAMA 

Rəqəmsal asılılıq nədir? - Mütəxəssisdən AÇIQLAMA 

Rəqəmsal texnologiyalar günümüzün ayrılmaz hissəsinə çevrilib və dövrümüzü bu texnologiya olmadan təsəvvür etmək mümkünsüzdür. Bu da insanlarda asılılıq yaradır.

 

Bəs rəqəmsal aslılıq nədir və ondan necə xilas olmaq olar?

 

Mövzu ilə bağlı Sfera.az-a danışan sosial media mütəxəssisi Lalə Kişiyeva bildirib ki, rəqəmsal asılılıq dedikdə, impuls nəzarət pozğunluğunu əhatə edən davranış asılılığı nəzərdə tutulur.

 

“Narkotik və alkoqol kimi, rəqəmsal texlogiyalardan asılılıq da insan orqanizmi üçün zərərlidir. Bu texnologiyalardan istifadə zamanı depomin hormonu ifraz olunur və bu hormon bir müddət sonra insanları asılı vəziyyətə salır. Depomin xoşbəxtlik hormonu hesab olunur. Bu hormon insan orqanizmi üçün olduqca zəruridir. Depomin eyni hərəkəti daimi olaraq etməyə təşviq edən hormondur. Lakin yüksək vədədə və tez əldə edilən depomin insanlarda bir sıra vərdişlər yaradır. Bunun nəticəsində insanlar asılı vəziyyətə düşür. Bu asılılıq isə bir sıra psixi sağlamlıq problemlərinə gətirib çıxarda bilər. Xroniki depressiya, ümumi stress səviyyəsinin artması rəqəmsal platformalardan asılılılığın yaratdığı fəsadlardır. Sosial media insanların bir sıra təməl ehtiyaclarını qarşıladığı üçün insanlar sosial media asılılığından asanlıqla xilas ola bilmir".

 

Lalə Kişiyeva qeyd edib ki, bir sıra insanlar cəmiyyətdən təcrid olunacaqlarını düşündükləri üçün sosial mediadan uzaqlaşmaq istəmirlər.

 

“Sosial media asılılığından xilas olmağın ən başlıca üsulu rəqəmsal detoksdan istifadə etməkdir. Bu ilk başda insanlara çətin gələ bilər. Məhz bu baxımdan əvvəl qısa müddətdə sosial mediadan uzaqlaşmaq lazımdır. Sonra zamanla tədricən bu zaman dilimini artırmaq lazımdır. Zamanımızın dəyərli resurs olduğunu nəzərə alaraq sosial mediadan istifadə müdddətini kiçik addımlarla azaltmalıyıq. Sosial media asılılığı olan biri, birdən-birə tamamilə rəqəmsal texnologiyadan uzaqlaşa bilməz”.

 

Qeyd edək ki, virtual detoks hal-hazırda Avropada olduqca dəbdədir. Bu detoksu tətbiq edən şəxslər stress səviyyəsinin azaldığını, daha rahat yatdıqlarını və özlərini daha enerjili hiss etdiklərini bildirirlər.

 

Ülkər Abdurahmanlı


OXŞAR XƏBƏRLƏR

Azərbaycanda ilk dəfə COP 29 çərçivəsində yeni ixtisaslar YARADILIR

Azərbaycanda ilk dəfə olaraq Peşə Təhsil sistemində COP 29 ili çərçivəsində yeni ixtisaslar yaradılır.   Sfera.az xəbər verir ki, bunu iyunun 24...

"Roma"nın futbolçusu klubdan AYRILACAQ

İtaliya təmsilçisi "Roma"nın futbolçusu Leonardo Spinatsola klubdan ayrılacaq.   Sfera.az xarici KİV-ə istinadən xəbər verir ki, 31 yaşlı m...

COP29 prezidenti iqlim həftəsi çərçivəsində Londonda bir sıra görüşlər KEÇİRDİ

Ekologiya və təbii sərvətlər naziri, COP29-un prezidenti Muxtar Babayev iqlim həftəsi çərçivəsində Londonda bir sıra görüşlər keçirib.   Sfera.az xəb...

100-dən aşağı bal toplayan abituriyentlərin çoxu bu rayonlardadır

2023-cü ildə abituriyentlərin 20 faizindən çoxunun 100-dən aşağı bal topladığı bölgələr açıqlanıb.   Sfera.az xəbər verir ki, bu barədə “Abitur...

Azərbaycanda yeni DƏLƏDUZLUQ ÜSULU: "Soliton"un adı ilə... - XƏBƏRDARLIQ!

Son zamanlar dələduzluq faktları artır. Artıq fırıldaqçılar "fəaliyyətləri"nə süni intellekti də alət ediblər. Belə ki, dələduzlar süni...

Çadın gənclər və idman naziri Milli Gimnastika Arenası ilə tanış oldu - FOTO

Çadın gənclər və idman naziri Abakar Cermah Aumi Azərbaycana rəsmi səfəri zamanı Milli Gimnastika Arenasına baş çəkib.   Sfera.az xəbər verir ki, Çad...