CAR-ın Azərbaycanda səfirliyi açılacaq
Cəmiyyət
15:29 / 29.11.2016
648
Azərbaycan və CAR kimi gənc demokratik ölkələr bir yerdə çalışmalı və bütün sahələrdə əməkdaşlığı inkişaf etdirməlidir.
Sfera.az-ın məlumatına görə, bu sözləri CAR-ın xarici əlaqələr və əməkdaşlıq naziri Maite Nkoana-Maşabane deyib. Onun sözlərinə görə, hər iki ölkə siyasi məsləhətləşmələri genişləndirmək niyyətindədir:
"Azərbaycan və Cənubi Afrika bir sıra sahələr, o cümlədən aviadaşınma sahəsi üzrə 7 memorandum imzalamağa hazırdır. Ölkəmiz Azərbaycanla diplomatik məsləhətləşmələrin dövlətlərarası səviyyəyə qədər artırılmasında maraqlıdır. Odur ki, bu səfərin müsbət nəticələri var. Bu nəticələr üzərində işi davam etdirmək lazımdır”.
CAR-lı nazir Cənubi Afrikanın Bakıda diplomatik missiya açmağı planlaşdırdığını da diqqətə çatdırıb.
