Moldova Rumıniya ilə birləşsə, Qaqauziya müstəqilliyini elan edəcək - Yevgeniya Qutsul
Moldova rəhbərliyi Rumıniya ilə birləşməyə razılaşarsa, Qaqauz muxtariyyəti müstəqilliyin elan edilməsi proseduruna başlayacaq.
Sfera.az bildirir ki, bu barədə Moldova tərkibindəki Qaqauziya Muxtar Ərazi Birliyinin rəhbəri Yevgeniya Qutsul Telegram kanalında xəbərdarlıq edib.
Yevgeniya Qutsul Rumıniyanın baş naziri Marsel Çiolakunun təklifinə qarşı çıxıb.
Qaqauz muxtariyyətinin rəhbərinin sözlərinə görə, Rumıniya ilə birləşmə ilə bağlı istənilən təşəbbüs Qaqauziyanın Moldovadan dərhal ayrılmasına gətirib çıxaracaq. Qonşu Moldova və Bolqarıstan kəndlərinin sakinləri isə regional hakimiyyətə dəstək verəcəklər.
Qutsul Rumıniyanın baş naziri Marsel Çiolakunun Moldova ilə birləşmək istəyi ilə bağlı bəyanatını şərh edərkən:
“Mövcud Moldova hökuməti birləşməyə razı olsa, Qaqauz muxtariyyəti susmayacaq. 2 fevral 2014-cü ildə xalqımız aydın və dəqiq cavab verdi ki, gələcəyini müstəsna olaraq müstəqil və suveren Moldovanın bir hissəsi kimi görür"-deyə bildirib.
Onun sözlərinə görə, hər hansı bir ittifaqın təşəbbüsü Qaqauz Respublikasının yaranması prosedurunun dərhal başlanması demək olacaq.
Qutsul həmçinin əmindir ki, bir çox qonşu Moldova və Bolqarıstan kəndlərinin sakinləri muxtariyyət rəhbərlərini dəstəkləyəcəklər.
Aynil
Sfera.az
