Azərbaycana edilən kiberhücumların sayı ARTIB
Son günlərdə Azərbaycana edilən kiberhücum və kiber dələduzluq hallarının sayında ciddi artım var.
Sfera.az xəbər verir ki, bunu texnobloger Fərid Pərdəşünas bildirib.
""YouTube kanallarına hücum", "saxta şans oyunlarında qazancla bağlı linklər", "gömrükdə ilişən malların bəyan edilməsi" ilə bağlı dələduzluq hallarının sayında artım müşahidə edilir. Vətəndaşlar elan saytlarında satdıqları məhsul üçün zəng edən şəxslərə kart məlumatlarını beh üçün təqdim etməməli, Azərpoçt adından gələn saxta linklərə qətiyyən kart məlumatlarını əlavə etməməlidir".
Fərid Pərdəşünas qeyd edib ki, həmçinin "YouTube" ilə bağlı email adreslərində 2 mərhələli təsdiqi aktivləşdirməklə, FIDO açarlara üstünlük verilməlidir.
“Vətəndaşlar kiçib məbləğlərdə real olaraq qazandıran investisiya əməliyyatlarında, onlara müraciət edən saxta brokerlərə vəsait göndərməməlidir. Bunlara diqqət etsək, dələduzluq hallarının sayı müəyyən qədər azala bilər”.
Ülkər Abdurahmanlı
