Ukraynaya nə qədər “F-16” lazımdır? - “20 ədədi çox azdır” 

"Bütün cəbhə xətti boyunca havada hökmranlıq etmək üçün Ukraynanın 200-300 “F-16” təyyarəsi olmalıdır".

Sfera.az UNİAN-a istinadən xəbər verir ki, bu fikirlər ukraynalı hərbi ekspert, ehtiyatda olan mayor Aleksey Getmana məxsusdur.

Ekspert hesab edir ki, ən azı bu qədər təyyarə ilə hava məkanında hakimiyyəti təmin etmək mümkündür. Qərb mediasında yayılan xəbərlərdə Ukraynaya 20-yə qədər “F-16”nın veriləcəyi bildirilir.

Ehtiyatda olan mayor bu qədər təyyarənin Ukrayna-Rusiya cəbhə xətti boyunca üstünlük əldə etməyə imkan verməyəcəyini düşünür. Onun sözlərinə görə 10-20 təyyarə ilə müəyyən kiçik ərazidə üstünlüyü əldə etmək olar:

“Təyyarələr bir döyüş maşını olaraq önəmli hərbi vasitədir. Lakin bu vasitənin effektiv olması və yaxşı nəticə əldə edilməsi üçün ondan müəyyən miqdarda olması vacibdir".

Vasif