Maskdan Ukraynanın NATO-ya üzvlüyü məsələsi ilə bağlı İRONİK PAYLAŞIM: \"Film belə başlayır\"
Amerikalı sahibkar və iş adamı İlon Mask Ukraynanın Şimali Atlantika Alyansına (NATO) qoşulması ideyası ilə bağlı ironik paylaşım edib.
Sfera.az xəbər verir ki, o öz fikrini "X" sosial şəbəkəsində (keçmiş Twitter) ifadə edib.
Mask ABŞ Dövlət katibi Entoni Blinkenin Ukraynanın NATO-ya üzv olacağını elan etdiyi çıxışına bu şərhi yazıb:
"Nüvə apokalipsisi haqqında film belə başlayır".
Bundan başqa amerikalı professor Con Mearşaymer NATO ölkələrinin sülhü təmin etmək üçün Ukrayna ilə münasibətləri tamamilə dayandırmalı olduğu fikrini irəli sürüb.Professor həmçinin əlavə edib ki, Qərbin vəzifəsi Ukrayna münaqişəsini daha da gərginləşdirmək yox, Ukraynanı böhranın həlli üçün diplomatik danışıqlara yönəltmək olmalıdır.
Xatırladaq ki, bundan əvvəl Blinken bildirib ki, Ukrayna NATO-ya üzv olacaq, burada əsas məsələ bu məqsədə doğru aydın yol xəritəsi hazırlamaqdır.
Əzizə
