Alman polisi Ukraynalı kosmetoloqun səs-küylü qətlinin üstünü açdı - FOTO
Almaniyada hüquq-mühafizə orqanları əməkdaşları ukraynalı qadının qətlinin üstünü açıblar. Üç il əvvəl Berlində mənzildə üzərində zorakılıq və qeyri-təbii zorlama əlamətləri olan qadın meyiti tapılmışdı.
Sfera.az xəbər verir ki, qadını mənzilin ətrafında ona kömək edən kişinin öldürdüyü məlum olub.
Bu müddət ərzində hüquq-mühafizə orqanlarının əməkdaşları 100-ə yaxın insandan DNT analiz nümunələri götürüblər.
Qeyd edək ki, Oksana Romberq Kiyevdə anadan olub, sonra Almaniyaya köçüb. Almaniyada məşhur kosmetoloq olan qadın 2011-ci ildə Berlində “Bonadea” salonunubaçıb. Bir çox alman ulduz ukraynalı kosmetoloqun müştəriləri olub.
1 aprel 2021-ci ildə Oksana Berlinin qərbindəki Kurfürstendammdakı mənzilində ölü tapılıb. Qadının bədənində zorakılıq izləri və qeyri-təbii zorlama əlamətləri aşkar edilib. Onun başında və bədəninin yuxarı hissəsində ciddi xəsarətlər olub və müstəntiqlər cinayət yerində daşlar aşkar ediblər. Həmçinin mənzildən 5 min avro yoxa çıxıb.
Bu yaxınlarda isə polis Oksana Romberqi qətlə yetirməkdə şübhəli bilinən 53 yaşlı kişini həbs edib.
Məlum olub ki, cinayətkar qadını döyərək öldürməklə yanaşı, xırda daşlarla təhqirrdici hərəkətlər edib. Onlardan birində polis cinayətkarın DNT-sinin izlərini aşkar edib.
Qatili tapmaq üçün polis qadının bütün tanışlarının siyahısını tərtib edib və onların hamısından DNT analizləri götürüb. Həbs edilən şəxs siyahıda 91-ci olub.
Həmin şəxs əvvəllər hüquq-mühafizə orqanlarının əməkdaşlarının diqqətini çəkməyib. Polis cinayətdə həmçinin eqoist motivlər olduğunu bildirir.
Aysel
Sfera.az
