Dünyanın ən böyük kamerası yaradıldı - FOTO
ABŞ Energetika Departamentinin SLAC Milli Sürətləndirici Laboratoriyasının alim və mühəndisləri dünyanın ən böyük rəqəmsal kamerasını - "Legacy Survey of Space and Time" (LSST) yaradıblar.
Sfera.az xəbər verir ki, 3200 meqapiksellik bu cihaz Vera K. Rubin Rəsədxanasında quraşdırılacaq. Bu barədə Phys.org-un press-relizində məlumat verilib.
Kameranın çəkisi təxminən üç ton, obyektivinin diametri isə 1,5 metrdir. Vakuum kamerasının içərisində diametri təxminən bir metr olan başqa bir lens var. Fokus müstəvisində 201 sensordan ibarət və insan saçının eninin onda birindən çox olmayan CCD massivi yerləşir. Piksellərin eni cəmi 10 mikrondur.
LSST qalaktikaların paylanması və Kainatın zamanla necə dəyişdiyini öyrənmək üçün nəzərdə tutulub. O, həmçinin qaranlıq maddə qruplarını və fövqəlnovaları müşahidə etmək üçün istifadə olunacaq. Tədqiqatçılar qalaktikanın strukturunu və təkamülünü, həmçinin ulduzların və içindəki digər obyektlərin təbiətini daha yaxşı başa düşməyə imkan verəcək Süd Yolunun daha ətraflı xəritəsini yaratmağı gözləyirlər.
Kamera And dağlarında ( Çili ) 2,7 kilometr hündürlükdə yerləşən Cerro Paçon dağındakı Rubin Rəsədxanasının Tədqiqat Teleskopunda quraşdırılacaq .
İnci
sfera.az
