Ledi Qaqanın çəkildiyi filmin kadr arxası: Hekayəsi də film kimidir
Bildiyimiz kimi, moda sənayesi maraqlı hadisələr, intriqalar və hekayələrlə doludur. Təbii ki, işin içinə Hollivud da qarışanda inanılmaz maraqlı görüntülər meydana çıxır.
Yadınızdadırsa, 1997-ci ildə qətlə yetirilən Canni Versaçenin qətli mini seriala çevrilmiş və “Emmi” mükafatına layiq görülmüşdü. Layihədə Penelope Kruz kimi məşhur adlar da rol alıb.
Versace kimi, Guccinin də arxasında maraqlı və izaholunmaz bir qətl hekayəsi var: keçmiş həyat yoldaşı Patrizia Reggiani tərəfindən işə götürülən biri tərəfindən qətlə yetirilən Maurizio Gucci.
Sfera.az bildirir ki, bu hekayənin film versiyası 2001-ci ildə eyniadlı Sara Gay Fordenin "Gucci Evi" kitabından götürülmüşdür.
Filmin rejissoru Ridley Scottdur. Filmdə Ledi Qaqa və Adam Driver kimi məşhur adlar iştirak edib.
Filmin çəkilişləri Milanda və Alp dağlarında aparılıb.
İndi hadisənin kadr arxasından, yəni real hekayəsindən danışaq: 1995-ci ildə babası Quççio Quççinin (Gucci) yaratdığı moda evinin keçmiş prezidenti Mauritsio Quççi Milanda ofisinin foyesində güllələnib.
Bütün əlamətlər Guccinin keçmiş həyat yoldaşı Patrizia Reggianiyə işarə edirdi. Burada dörd əməkdaş, o cümlədən bir media işçisi olub.
O dövrdə mətbuatda tez-tez “qara dul” kimi xatırlanan Reggiani qətldən sonra 29 il həbs cəzasına məhkum edilib.
Yeri gəlmişkən, onu da qeyd edək ki, o, 2016-cı ildə 18 il həbsdə qaldıqdan sonra azadlığa çıxıb. Onun cinayət ortaqlarından biri, işçisi 25 il müddətinə azadlıqdan məhrum edilib. Reggianidən bu işi niyə özü etmədiyini soruşduqda o, “görmə qabiliyyətim çox yaxşı deyildi, hədəfi əldən vermək istəmədim” deyib.
1972-ci ildə evlənən Gucci və Reggianinin bir vaxtlar Nyu York, Milan, Akapulko və Alp dağlarında evləri olub.
Cütlüyün evliliyi əslində demək olar ki, mükəmməl gedirdi və onlar mətbuatın diqqətini çox cəlb edirdilər.
Ancaq 1985-ci ildə Gucci həyat yoldaşını Paola Françi adlı başqa bir qadına görə tərk edib.
Gucci Reggianiyə ezamiyyətə getdiyini desə də, o, bir daha evə qayıtmayıb. 1994-cü ildə, ölümündən bir il əvvəl, uzun bir boşanma məhkəməsi davam edirdi. Həmin ərəfədə Reggianinin həyat yoldaşına çoxlu ölüm təhdidləri göndərdiyi məlum olub.
Bundan əlavə, Gucci 1983-cü ildə atası Rodolfo öldükdən sonra şirkətin əksər səhmləri ona miras qaldı. Şirkətə nəzarəti qohumlarından, yəni əmisi Aldodan almaq üçün dərhal qanuni tədbirlər gördü.
Təbii ki, həm də təəssüf ki, Maurizionun ailə biznesini idarə etməsi qısamüddətli oldu. Qəbul etdiyi səhv maliyyə qərarlarına görə 1993-cü ildə səhmlərini Bəhreyn investisiya şirkətinə satmalı oldu.
O, babasından miras qalan şirkət üzərində nəzarəti tamamilə itirib.
Gördüyünüz kimi, bu hekayənin yalnız bildiyimiz hissəsidir və bir o qədər də mürəkkəbdir. Təbii ki, hekayənin bilmədiyimiz tərəfləri də var. Ona görə də daha artıq marağı itməsin deyə, sizə filmə baxmağı tövsiyə edirik: “Gucci evi”.
Aysel
Sfera.az
