KTMT-dən Ermənistana TƏRS ŞİLLƏ: "Əvvəlcə sərhədlərinizi dəqiqləşdirin, sonra..."
"Martın 12-də keçirilən mətbuat konfransında Nikol Paşinyan bəyan etmişdi ki, təşkilat İrəvanın "KTMT-nin Ermənistandakı cavabdehlik sahəsi" ilə bağlı sualına cavab verməsə, Ermənistan KTMT-dən çıxacaq".
Sfera.az xəbər verir ki, bunu "RBC" nəşri yayıb.
Təşkilatdan "RBC"ya bildirilib ki, KTMT Ermənistanın suveren ərazisini özünün məsuliyyət sahəsi hesab edir.
"Bu bəyanatla KTMT Ermənistanda sualına mahiyyətcə cavab verib. “Məsuliyyət zonası" ifadəsi kifayət qədər mürəkkəbdir və obyektiv cavab almaqdan daha çox diqqəti respublikadakı vəziyyətə cəlb etmək məqsədi daşıyır, çünki əməkdaşlıq prinsiplərinə istinad edən və imzalanan 2010-cu il müqaviləsinə əsasən, KTMT çərçivəsində məsuliyyət zonası üzv dövlətlərin suveren əraziləri hesab olunur”, - nəşrdə qeyd olunur.
"Daha sonra qeyd olunan sənədin 2010-cu ildə Moskvada imzalandığı təfərrüatlı şəkildə bildirilir. KTMT qeyd edib ki, təşkilatın məsuliyyət zonası Ermənistanla qonşuları arasında ikitərəfli prinsiplə tənzimlənən dövlət sərhədinin keçdiyi yerdə bitir. Bu bəyanat Ermənistanın tələblərinin KTMT tərəfindən ciddiyə alınmaması deməkdir. Belə olan halda KTMT-nin Paşinyanın məntiqi və üslubu ilə cavab verdiyini söyləmək olar: əvvəlcə sərhədlərinizi dəqiqləşdirin, dövlətlərarası sərhədi müəyyənləşdirin, yalnız sonra bizə tələblərlə müraciət edin" - "RBC" yazıb.
Əzizə
