“Şahdəniz”dən gəlirlər 8 dəfədən çox azalıb
Azərbaycan Dövlət Neft Fondu bu ilin birinci rübündə “Azəri-Çıraq-Günəşli”(AÇG) yatağından 1,448 milyard dollara yaxın gəlir əldə edib.
Sfera.az Fonda istinadən xəbər verir ki, AÇG-dən başqa “Şahdəniz” yatağından (qaz və kondensat) 78,5 milyon dollar mədaxil olub.
“Şahdəniz”dən mədaxilin 15,7 milyon dolları kondensatın satışından əldə olunub.
Ötən ilin birinci rübü ilə müqayisədə bu il AÇG, həm də “Şahdəniz” üzrə gəlirlərdə azalma var. AÇG üzrə gəlirlər əvvəlki ilin birinci rübündə 2,044 milyard dollar olub. Bu il AÇG üzrə gəlirlər 596 milyon dollar azalıb.
“Şahdəniz” üzrə gəlirlər isə əvvəlki ildə 646,4 milyon dollar olduğu halda, bu il 568 milyon dollara yaxın azalıb.
Müqayisə göstərir ki, AÇG üzrə gəlirlər 29,15 faiz, “Şahdəniz” üzrə gəlirlər 8,23 dəfə azalıb.
Vasif
