Tozlu hava şəraiti gün ərzində davam edəcək - RƏSMİ

Bakıda havada toz müşahidə olunur.

Bu barədə Sfera.az-a Ətraf Mühitin Çirklənməsinin Monitorinq Qrupunun baş mühəndisi Rəna Allahverdiyeva açıqlama verib.

O, avtomatik stansiyalardan əldə edilən məlumatlara istinad edib. Qurum rəsmisi qeyd edib ki, Bakıda və Abşeron yarımadasında tozlu hava şəraiti müşahidə olunur və hazırda havada tozun miqdarı normadan 1.2 dəfə artıqdır.

“Havada müşahidə olunan toz meteoroloji vəziyyətlə əlaqədar lokal xarakterlidir. Belə hava şəraitinə səbəb bu gün səhər saatlarından başlayan güclü şimal-qərb istiqamətli küləklərin yerin üst quru səthində formalaşan toz kütlələrini ətraf ərazilərə yaymasıdır. Tozlu hava şəraitinin gün ərzində davam edəcəyi gözlənilir”, - R.Allahverdiyeva bildirib.

Günay