NATO Baş Katibliyinə ən şanslı namizəd

Hollandiyanın baş naziri Mark Rutte NATO-nun baş katibi vəzifəsinə bütün namizədlər arasında ən yüksək dəstəyə malikdir.

Sfera.az bildirir ki, Ruttenin namizədliyini 32 ittifaq dövlətindən 28-i dəstəkləyir. Siyasətçi bu vəzifəyə təyinz olunmaq üçün daha dörd ölkənin dəstəyini qazanmalıdır.

Jurnalistlərin məlumatına görə, səlahiyyət müddəti başa çatan baş nazirin namizədliyini NATO-ya üzv 32 ölkədən 28-i dəstəkləyir. 

Türkiyə, Slovakiya və Macarıstan hələ də namizədlərinin adını açıqlamayıblar. Öz növbəsində Rumıniya da öz namizədini irəli sürüb.

Mənbələr iddia edir ki, Rutte alyansın liderliyindəki rolu ilə bağlı bu dörd ölkə ilə danışıqlar aparır. Rumıniya prezidenti Klaus İohannisin namizədliyini geri götürəcəyi təqdirdə Macarıstan və Slovakiyanın mövqelərini dəyişə biləcəyi güman edilir. Əks halda Şərqi Avropa ölkəsindən yeganə namizədi rədd etmək macarlar və slovaklar üçün əlverişsiz olar.

Məlumatlara görə, ABŞ-ın NATO-dakı səfiri Culian Smit Vaşinqtonun Rutteni tam dəstəklədiyini təsdiqləyib və yaxın həftələrdə qərarın veriləcəyinə ümid etdiyini bildirib. O, həmçinin Rutte və İohannisi "əhəmiyyətli liderlər" adlandırıb.

Xatırladaq ki, martın 12-də Rumıniya prezidenti Klaus İohannis NATO-nun baş katibi postuna namizədliyini irəli sürmək niyyətində olduğunu bəyan edib. Onun sözlərinə görə, alyansın “missiyasına yeni baxış”a ehtiyacı var.

Xanım

Sfera.az