Qohumlar şokdadır: Tibb bacısına 5 milyon avroluq sərvət miras qoydu
Birbaşa varisləri olmayan italiyalı Mariya Malfatti adlı qadın bir sıra qiymətli aktivlərə, o cümlədən bir neçə mənzilə, şəhərin mərkəzindəki tarixi binaya, eləcə də bank hesablarında əhəmiyyətli miqdarda pula sahib olub.
Sfera.az bildirir ki, qadın bütün 5 milyon avroluq sərvətinin hamısını ona qulluq edən alban qəyyumuna qoyub. Miqrant qadın ona baxan tibb bacısı olub.
Miras gözləyən 10 qardaşı oğluna isə bir qəpik də saxlamayıb. Qohumları qadının ağlını itirdiyindən şübhələnir.
İtaliyanın Trento əyalətindəki Rovereto şəhərinin ən tanınmış ailələrindən birinin üzvü olan qadın ötən ilin noyabrında 80 yaşında vəfat edib. Keçmiş merin nəslindən olan və Vyana parlamentinin vitse-prezidenti olan qadın bir sıra qiymətli sərvətlərə, o cümlədən bir neçə mənzilə, şəhərin mərkəzindəki tarixi binaya, eləcə də bank hesablarında saxlanılan xeyli miqdarda pula sahib olub. Ancaq Mariya (Məryəm) heç vaxt evlənməyib və sərvətini miras qoyacaq övladları olmayıb. Buna görə də qardaşı oğulları vərəsə hesab olunurdular. Amma görünür, qadının başqa planları olub: o, son qəpiyinə qədər son bir neçə ildə ona qulluq edən Albaniya vətəndaşı olan tibb bacısına həvalə etmək qərarına gəlib.
Mariya ilə qardaşı oğulları arasında hansı münasibətin olduğu bilinmir. Ölən qadının vəsiyyəti oxunduqdan sonra vəkilləri ilə əlaqə saxlayan ailə, mərhum Mariyanın qocalıq səbəbindən ağlını itirdiyini və bundan istifadə edildiyini iddia edərək, mülkün dondurulması üçün iddia qaldırıblar.
Ölən qadının qardaşı oğulları əmindirlər ki, qəyyum onları vəsiyyətdən tamamilə kənarlaşdıraraq, özünü Malfatti sərvətinin yeganə varisi təyin edib. Hakim bütün aktivləri dondurmağa razılaşıb. İstintaq zamanı məlum olub ki, əmlakların satılması riskinin çox böyükdür.
İstintaq hələ ki davam edir, lakin bu ilk belə hadisə deyil. Əksər hallarda, varlı və tək qocalar onlara məhəl qoymayıb, hazır mirasın qucağına düşməsini gözləyən qohumları miraslarından məhrum edirlər. Bu ilin əvvəlində də çinli qadın 2,8 milyon dollarlıq sərvətinin hamısını ev heyvanlarına buraxaraq, ona qulluq etməyən üç övladın hamısını vərəsəlikdən məhrum edib.
Aynil
Sfera.az
