Bu gün Azərbaycan Kubokunun yarımfinal mərhələsinin növbəti oyunu keçirilib.

Sfera.az xəbər verir ki, “Zirə” doğma meydanda “Qəbələ” ilə üz-üzə gəlib.

İnqilab Məmmədovun idarə etdiyi qarşılaşma meydan sahiblərinin qələbəsiylə yekunlaşıb - 2:1.

Xatırladaq ki, daha öncə “Qarabağ” əzəli rəqibi “Neftçi”yə səfərdə 4:0 hesabıyla qalib gəlməklə demək olar ki, cütün taleyini həll edib.

Yarımfinalın cavab görüşləri aprelin 24-də keçiriləcək.

Azərbaycan Kuboku
Yarımfinalın ilk oyunu
3 aprel

“Zirə” – “Qəbələ” 2:1

Qollar: Salifu Suma, 51. Rafael Utziq, 66 – Fares Abu Akel, 90.

Hakimlər: İnqilab Məmmədov, Namiq Hüseynov, Vüsal Məmmədov, Tural Qurbanov.

Zirə İdman Kompleksinin stadionu.