Aİ İsrailin İran konsulluğuna hücumunu pislədi
Avropa İttifaqı İsrailin aprelin 1-də Suriyanın paytaxtı Dəməşqdəki İran konsulluğuna endirdiyi və beş zabit və iki generalın həlak olması ilə nəticələnən hava hücumunu pisləyib.
Sfera.az xəbər verir ki, bu barədə Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsinin mətbuat katibi Cozef Borrelin bəyanatında deyilib.
“Aİ regionda vəziyyətin daha da pisləşməsinin qarşısını almaq üçün tərəfləri təmkinli olmağa çağırır. Bölgədə eskalasiyanın daha da artması heç kimin marağında deyil”, - bəyanatda vurğulanıb.
Bundan əlavə, o, beynəlxalq hüquqa uyğun olaraq, bütün hallarda diplomatik və konsulluq binalarının və personalının toxunulmazlığı prinsipinə hörməti qeyd edib.
Xatırladaq ki, BMT Təhlükəsizlik Şurasının çağırdığı fövqəladə iclasda da İranın Dəməşqdəki konsulluq idarəsinə hücumu pislənilib.
Əzizə
sfera.az
