\"Anti-Rusiya əməliyyatları üçün muzdluları və diversantları öyrədən NATO-dur\" - Patruşev
“ABŞ və münaqişədə iştirak edən NATO bu ölkəni öz nəzarəti altında olan anti-Rusiya ərazisi hesab etdiyi üçün Rusiyanın Ukraynanı demilitarizasiya etmək məqsədi hələ də gündəmdədir”.
Sfera.az “TASS”a istinadən xəbər verir ki, bunu Rusiya Təhlükəsizlik Şurasının katibi Nikolay Patruşev deyib.
"ABŞ və NATO Ukraynanı və ya onun ən azı bir hissəsini tamamilə onların nəzarətində olan və Şimali Atlantika blokunun maraqlarına xidmət etməyə yönəlmiş anti-Rusiya ərazisi kimi saxlamağı planlaşdırır",- Patruşev bildirib.
O vurğulayıb ki, Şimali Atlantika alyansı (NATO) de-fakto Ukrayna münaqişəsinin tərəfidir. Yüksək texniki və daha uzun mənzilli silahların yeni tədarükü ilə bağlı kollektiv qərarlar qəbul edən və anti-Rusiya əməliyyatları üçün muzdluları və diversantları öyrədən NATO-dur.
Patruşev qeyd edib ki, NATO 1995-ci ildən Ukrayna ərazisində təlimlər keçirir və Kiyev 2004-cü ildən hərbi alyansa öz ərazisinə sərbəst giriş icazəsi verib. Ukraynanın intensiv hərbiləşdirilməsi 2014-cü ilin fevralında dövlət çevrilişindən sonra başlayıb.
Firuzə Əliyeva
