Ukrayna Rusiyadakı ən uzaq hədəfi vurub - “Reuters”

Aprelin 1-dən 2-nə keçən gecə Ukrayna Rusiyanın sərhəddən uzaqda yerləşən ərazisinə zərbələr endirib. Rusiya mediasının açıqlamasına əsasən, Ukrayna ordusu sərhəddən 1300 km uzaqlıqda yerləşən Tatarıstanın “Taneco” neft emalı zavodunu vurub.

Sfera.az “Reuters”ə istinadən xəbər verir ki, pilotsuz uçuş aparatları ilə vurulan hədəflər indiyə qədər vurulan ən dərin nöqtələrdir. 

“Taneco” Rusiyanın ən böyük və ən yeni neft emalı zavodlarından biridir. Onun istehsal gücü gündə təxminən 360 min bareldir. 

“Reuters”in Kiyevdəki mənbəsinin məlumatına görə, hücum nəticəsində zavoda ziyan dəyib. Ukrayna tərəfi həmin müəssisədə pilotsuz uçuş aparatları istehsal edildiyini bildirib. 

Vasif