Türkiyənin İstanbul vilayətinin Şişli rayonunda 16 mərtəbəli binada yanğın nəticəsində ölənlərin sayı 27-yə çatıb.

Sfera.az xəbər verir ki, bu barədə “Haber Global” məlumat yayıb.

***

17:28

Türkiyədə İstanbul vilayətinin Şişli rayonunda 16 mərtəbəli binada yanğın nəticəsində ölənlərin sayı 25-ə çatıb.

Sfera.az xəbər verir ki, bu barədə “Haber Global” məlumat yayıb.

Qeyd olunub ki, yaralılardan 3-nün vəziyyəti ağırdır.

***

17:25

Türkiyədə İstanbul vilayətinin Şişli rayonunda 16 mərtəbəli binada yanğın nəticəsində ölənlərin sayı 16-ya çatıb.

Sfera.az xəbər verir ki, bu barədə “TRT Haber” məlumat yayıb.

Yaralıların yeni sayı açıqlanmayıb.

Xəsarət alanlar xəstəxanaya yerləşdirilib. Onların müalicəsi davam edir.

Bundan başqa, 5 şübhəlinin saxlanıldığı bildirilir.

***

17:02

Türkiyə Prezidenti Rəcəb Tayyib Ərdoğan İstanbul vilayətinin Şişli rayonunda 16 mərtəbəli binada 15 nəfərin ölümü ilə nəticələnən yanğın barədə ölkənin daxili işlər naziri Ali Yerlikayaya zəng edib.

Sfera.az xəbər verir ki, bu barədə “TRT Haber” məlumat yayıb.

Bildirilib ki, nazir R.T.Ərdoğana hadisənin nəticələri barədə məlumat verib.

***

16:07

Türkiyənin Şişli rayonunda 16 mərtəbəli binada yanğın nəticəsində 7 nəfər ölüb, 3-ü ağır olmaqla 9 nəfər xəsarət alıb.

Sfera.az xəbər verir ki, məlumatı “TRT Haber” yayıb.

Məlumata görə, İstanbul valiliyi hadisə ilə bağlı araşdırma başladıb.

***

15:50

Türkiyənin Şişli rayonunda 13 mərtəbəli binada yanğın olub.

Sfera.az Türkiyə KİV-ə istinadən xəbər verir ki, hadisə Posta küçəsində olub.

İlkin məlumata görə, yanğın nəticəsində 2 nəfər ölüb, 2 nəfər yaralanıb.

Əraziyə yanğınsöndürənlər cəlb olunub. Hazırda yanğının söndürülməsi istiqamətində işlər davam edir.

Hadisənin səbəbi hələ ki məlum deyil.