“Qurban Qurbanovdan heç vaxt qorxmamışam, ona çox hörmət edirəm”.

Sfera.az xəbər verir ki, bu sözləri “Qarabağ”ın futbolçusu Maksim Medvedev rus mətbuatına müsahibəsində deyib. 

Futbolçu baş məşqçisi Qurban Qurbanovla münasibətindən danışıb: “Mən 2006-cı ildən “Qarabağ”da oynayıram. Qurban Qurbanov 2008-ci ildə gəldi. Demək olar ki, ilk addımlarımızı birlikdə atdıq, çünki o, məşqçilik karyerasına yeni başlamışdı. Yaxşı və pis vaxtlarımız olub, amma biz həmişə bir yerdə olmuşuq. Mənə fərdi yanaşdığı üçün onu böyük qardaş hesab etmişəm. Bəzi problemlərim olanda həmişə onunla məsləhətləşmişəm”.(Qafqazinfo)