“WhatsApp”da yeni funksiya
"WhatsApp" tərtibatçıları messencerin versiyalarından birinə yüksək keyfiyyətli videolar göndərmək imkanı əlavə ediblər.
Sfera.az report-a istinadən xəbər verir ki, yenilik tətbiqin "Android" üçün 2.24.7.17 nömrəli beta versiyasında müşahidə edilib.
Yeniləmədən sonra bəzi istifadəçilər indi "Məlumat və yaddaş" bölməsində messencer parametrlərində "Media yükləmə keyfiyyəti" parametrinə malikdir.
Onun köməyi ilə standart və HD keyfiyyət seçmək mümkündür. Birinci halda, video ölçüsü çox sıxılır, buna görə də onu göndərərkən daha az trafik istehlak olunur və faylın özü alıcıya daha tez çatır. Bununla belə, video keyfiyyəti orijinalla müqayisədə daha pis olacaq. HD keyfiyyəti seçildiyi halda, faylın ölçüsü altı dəfəyə qədər böyüyəcək və göndərilməsi daha uzun çəkəcək.
Qeyd olunub ki, HD keyfiyyət seçilərsə, video sıxılacaq və orijinal keyfiyyət yenə də qorunmayacaq. Videonun orijinal görünüşünü qorumaq üçün sənəd kimi göndərilməsi vacibdir. Hələlik yeni funksiya yalnız məhdud sayda testerlər üçün əlçatandır. Yeniliyin bütün "WhatsApp" istifadəçiləri üçün nə vaxt əlçatan olacağı məlum deyil.
