Fransa kəşfiyyat orqanları Olimpiadanın açılış mərasimini ləğv etməyi tələb edir
Fransanın kəşfiyyat xidmətləri Olimpiya Oyunlarının açılış mərasiminin keçirilməsini məsləhət görmür.
Fransa Daxili İşlər Nazirliyinə Parisdə Olimpiya Oyunlarının açılışı ilə bağlı planlara yenidən baxmaq və iştirakçılar üçün yüksək təhlükəsizlik səbəbindən alternativ “B planı”na keçmək tövsiyə olunub.
Sfera.az bildirir ki, bu barədə Fransanın Daxili Təhlükəsizlik Baş İdarəsindən məlumat verilib.
Məlumata görə, “Krokus Siti Holl”da törədilən terror aktı fonunda Fransada terror təhlükəsinin səviyyəsi maksimuma qaldırılıb. Fransa kəşfiyyatı Mərkəzi Asiyadan gələn vətəndaşlar üzərində yoxlamaları gücləndirib.
Kəşfiyyat mənbəsi qeyd edib ki, Sena çayında mərasimin hazırkı formatda planlaşdırıldığı kimi davam etmək üçün çox risklidir.
Kəşfiyyat mənbələrindən biri deyir: “Son bir həftə ərzində adətən izlədiyimiz Mərkəzi Asiyalılar arasında çoxlu aktivlik müşahidə olunur. Buna görə də Fransa kəşfiyyatı əsas diqqəti Türkmənistan, Qırğızıstan və Qazaxıstan vətəndaşlarına yönəltmək qərarına gəlib”.
Qeyd edək ki, bundan əvvəl Fransa Quru Qoşunlarının Baş Qərargah rəisi Pyer Şil Parisdə keçiriləcək Olimpiya Oyunlarının təhlükəsizliyinin təmin edilməsinə cəlb olunacaq hərbi kontingentin sayını 20 min nəfərə çatdırmağı planlaşdırdığını açıqlamışdı. O, həmçinin qeyd edib ki, hərbçilər Olimpiya məşəlinin estafetində iştirakçıları bütün ölkə boyu müşayiət edəcəklər.
Aysel
Sfera.az
