Bu şəxslər hava limanına daxil ola bilməyəcəklər – Rusiyadan MARAQLI QƏRAR

Beynəlxalq Hava Limanları Assosiasiyası (IAA), PCT və Ümumrusiya Sərnişinlər Assosiasiyası Rusiya hökumətindən sərnişinləri qarşılayanların və yola salanların terminallara girişini qadağan etməməyi xahiş edib. 

Sfera.az xəbər verir ki, bu barədə “Kommersant” yazır. 

Yeni qaydalar 2024-cü ilin sentyabrın 1-dən qüvvəyə minəcək. 

Beynəlxalq Hava Limanları Assosiasiyasının Nəqliyyat Nazirliyinə göndərdiyi məktubda qeyd olunur ki, yenilik səbəbindən bileti olmayan şəxslər yaşlıları, əlilləri, habelə müşayiət olunmayan uşaqları yola sala bilməyəcəklər. IAA onu da əlavə edib ki, terminallara biletsiz giriş qadağası səbəbindən hava limanlarında mağazaların, bankların, apteklərin və iaşə obyektlərinin dövriyyəsi azalacaq. Beynəlxalq qurum bu səbəbdən hava limanlarının qeyri-aviasiya gəlirlərinin 20 faizdən 50 faizədək azalacağını təxmin edir. 

Nəqliyyat Nazirliyinin Rusiya hava limanlarında təhlükəsizlik tələblərini sərtləşdirmək istəməsi faktı fevral ayında məlum olub. “Kommersant” yazır ki, bu qərar terror aktlarının qarşısını almaq məqsədilə qəbul edilib. Nəşrin hava limanlarındakı mənbələrindən biri deyib ki, bu qadağa girişdə növbələrə səbəb olacaq, həm də təhlükəsizlik vəziyyətini daha da pisləşdirəcək. Qəzetin şərhində o da qeyd edilir ki, bu tədbir görülməsə, terror aktı törətmək istəyən şəxslər məqsədlərinə çatmaq üçün bilet almaq bəhanəsilə hava limanına daxil olacaqlar.

Vasif