Qədr gecələrinin vaxtı MƏLUM OLDU
Ramazan ayında ən çox verilən suallardan biri də Qədr gecəsi ilə bağlıdır.
Bununla bağlı Sfera.az-a açıqlama verən ilahiyyat üzrə fəlsəfə doktoru Ceyhun Məmmədov deyib ki, əksər İslam alimləri Qədr gecəsinin Ramazanın son 10 gününə təsadüf etdiyini vurğulayırlar.
“Bu gecənin fəziləti haqqında Qurani-Kərimin “Qədr” surəsində ətraflı bəhs edilir. Hətta bu gecənin Allah qatında min aydan xeyirli olduğu vurğulanır. Məhəmməd Peyğəmbər (s) buyurub: "Qədr gecəsini Ramazanın son on gecəsinin tək gecələrində - ayın axırına doqquz, yaxud yeddi, yaxud da beş (gecə) qalmış axtarın.”” - C.Məmmədov bildirib.
Qeyd edək ki, Qafqaz Müsəlmanları İdarəsinin Ramazanla bağlı fətvasına əsasən, Azərbaycanda martın 28-i və 30-u, aprelin 1-i və 5-i Qədr gecələridir.
Günay
