Fransa Cənubi Qafqazda sabitliyi pozmaqda ittiham edildi

Fransa Cənubi Qafqazda mövcud olduğu müddətdə kəşfiyyat məlumatlarının toplanması və regionda sabitliyi pozmaq kimi məqsədlər güdür.


Sfera.az TASS-a istinadən xəbər verir ki , bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

"Fransanın Cənubi Qafqaz regionunda mövcudluğu kəşfiyyat məlumatları toplamaq, region dövlətlərini izləmək və ölkələrimiz arasında əldə edilmiş, o cümlədən iqtisadi xarakterli sülh sazişlərinin həyata keçirilməsinin qarşısını almaq cəhdidir", - Zaxarova qeyd edib.
 

Xarici İşlər Nazirliyinin sözçüsü əlavə edib ki, “Fransa həqiqətən regionda sülh və təhlükəsizliyin qorunmasına çalışsaydı, 2021-ci ildən Rusiyanın vasitəçiliyi ilə Azərbaycan və Ermənistan arasında əldə edilmiş razılaşmaların həyata keçirilməsi üçün hər şeyi edərdi ”.
 

Bununla belə, Zaxarovanın sözlərinə görə, Fransa “əks mövqe tutub”.
 

Diplomat qeyd edib ki, Paris Afrikada təhlükəsizliyi təmin edə bilməyib, ona görə də onun Cənubi Qafqazda bunu edə biləcəyinə “inanmaq sadəlövhlükdür”.


Xatırladaq ki, martın 11-də Zaxarova Fransanı Dağlıq Qarabağda yalançı sülhməramlı obrazı yaratmaqda da ittiham edib .

Əzizə
sfera.az