Yazda vitamin çatışmazlığını aradan qaldırmaq üçün nələri yemək lazımdır? - Mütəxəssis AÇIQLADI - SİYAHI
"Yazda A, D, B1, E, B12, B6, B2, K vitaminlərinin çatışmazlığı müşahidə olunur. Onların hamısı sinir və immun sisteminin işləməsi üçün lazımdır".
Sfera.az xəbər verir ki, bu fikirləri terapiya və ümumi tibbi praktika üzrə baş müstəqil mütəxəssis Oksana Drapkina bildirib.
Mütəxəssis qeyd edib ki, çatışmazlıqların qarşısını almaq üçün düzgün və müxtəlif cür qidaları qəbul etmək lazımdır. Menyuda çoxlu sayda meyvə və tərəvəz, süd məhsulları, yumurta, ət və balıq olmalıdır.
Həkim izah edib ki, B qrup vitaminlərini kartof, yerkökü, taxıl məhsulları, qaraciyər və balıqdan almaq olar.
A vitamini balıq qaraciyərində və balıq yağında, heyvan və quş ciyərində, yumurtada, yağda, kökdə, qırmızı bibərdə, balqabaqda, pomidorda, ərikdə, şaftalıda, armudda, qırmızı və narıncı tərəvəz və meyvələrdə olur.
Balıq yağı və kəpəkli çörək məhsulları yemək isə D vitamini çatışmazlığını kompensasiya etməyə kömək edə bilir. D vitamini günəş işığının təsiri altında insan dərisi tərəfindən də istehsal olunur.
E vitamini çatışmazlığını kompensasiya etmək üçün menyuya cəfəri, buğda, kələm, bitki yağları əlavə etmək lazımdır.
K vitamini çatışmazlığı varsa, yarpaqlı tərəvəzlər, yulaf və itburnu yemək lazımdır.
Drapkina omeqa-3 yağ turşularını əldə etmək üçün yaz aylarında pəhrizdə qoz, dəniz yosunu və qırmızı balığın miqdarını artırmağı məsləhət görüb.
İnci
