Rusların 83 faizi seçkilərin nəticələrinə inanır - HESABAT
Rusiyalıların 83 faizi prezident seçkilərinin ədalətli keçirildiyinə inanır.
Sfera.az rus mediasına istinadən xəbər verir ki, 2024-cü ildə rekord sayda rusiyalı – 65 faiz ölkədə keçirilən prezident seçkilərinin nəticələrini etibarlı və seçicilərin iradəsinə uyğun hesab edib. Bu barədə Ümumrusiya İctimai Rəyin Öyrənilməsi Mərkəzi (VTsİOM) məlumat yayıb.
Mərkəzin bildirdiyinə görə, sorğu zamanı rusiyalıların cəmi 13 faizi seçkinin nəticələrinə etimadsızlıq ifadə edib, vətəndaşların 14 faizi isə səsvermənin nəticələrini bilmir.
VTsİOM qeyd edib ki, seçicilərin 72 faizi seçkinin nəticələrinə inanır, 54 faizi isə tam etibar edir.
Martın 15-dən 17-dək Rusiyada üç günlük prezident seçkiləri keçirilib. Bütün protokollar işləndikdən sonra hazırkı dövlət başçısı 87,28 faiz səs toplayıb. İkinci yerdə 4,31 faiz səslə Rusiya Federasiyası Kommunist Partiyasının namizədi Nikolay Xaritonov qərarlaşıb. Seçicilərin 3,85 faizi Vladislav Davankovun namizədliyinin lehinə səs verib. İlk dördlüyü 3,2 faiz səslə Leonid Slutski qapayıb.
Əzizə
