“Trabzonspor” - “Fənərbağça” oyununa görə 12 nəfər SAXLANILDI

FİFA prezidenti Canni İnfantino "Trabzonspor" - "Fənərbağça" matçından sonra baş verən hadisələrlə bağlı açıqlama verib.

Sfera.az bildirir ki, o, belə tədbirlərin nə meydanda, nə də meydandan kənarda yeri olmadığını yazıb.

Hadisəyə Türkiyənin daxili işlər naziri Əli Yerlikaya da münasibət bildirib. Onun sözlərinə görə, matçdan sonra əlbəyaxa davada iştirak edən 12 nəfər saxlanılıb. Onların hamısına qarşı hüquqi və inzibati işlər başlanıb. Hadisələrlə bağlı araşdırmalar davam edir.

Xatırladaq ki, Türkiyə Superliqası çərçivəsində "Trabzonspor" "Fənərbağça"nı qəbul edib. Görüşdə Fənərbaxça 3:2 hesabı ilə qalib gəlib. Oyundan sonra "Fənərbağça"lıların meydanda qalaraq qələbəsini qeyd etməsi meydan sahiblərinin azarkeşlərini qəzəbləndirib. "Trabzonspor" tərəfdarları meydançaya hücum edərək "Fənərbaxça" futbolçularına hücum edib.

Fatimə Lətif