Bu prospektdə təmir işləri başladı - Sürücülərin DİQQƏTİNƏ!
Ötən gündən etibarən paytaxtın 8 Noyabr prospektində əsaslı təmir işlərinə start verilib.
Sfera.az bu barədə Azərbaycan Avtomobil Yolları Dövlət Agentliyinə (AAYDA) istinadən xəbər verir.
Məlumatda bildirilir ki, 8 Noyabr prospekti uzun müddət əsaslı təmir olunmadan istismar olunub. Yolun asfalt-beton örtüyündə çatlar və qabarmalar müşahidə olunub.Bu isə paytaxtın əsas işlək prospekti ilə rahat hərəkətə maneə yaradıb:
“Əsaslı təmir işlərinə prospektin Yusif Səfərov küçəsi ilə kəsişməsindən Zığ dairəsi istiqamətində start verilib. Hazırda ərazidə köhnə səki daşlarının söküntüsü işləri aparılır.İşlərin aparıldığı ərazidə hərəkət məhdudlaşdırılmayıb. Yalnız ərazidən keçən avtonəqliyyat vasitələrinin və çalışan işçilərin təhlükəsizliyi baxımından müəyyən hərəkət zolaqları üzrə qismən məhdudlaşma tətbiq edilib”.
