Şarl Mişel Putini ələ salıb - "Putin bu gündən..."

Avropa İttifaqı Şurasının prezidenti Şarl Mişel Rusiya Federasiyasının prezidenti Vladimir Putini bu gün başlayan prezident seçkilərində qələbə münasibəti ilə təbrik edərək onu ələ salıb.
 

Sfera.az xəbər verir ki, Aİ rəsmisi X sosial şəbəkə mikrobloqunda müvafiq paylaşım edib.
 

"Mən Vladimir Putini bu gündən etibarən seçkilərdə böyük qələbəsi münasibətilə təbrik etmək istərdim. Müxalifət, azadlıq, seçim yoxdur”, - Mişel yazıb.
 

Qeyd edək ki, Rusiyada üç gün davam edəcək və seçkilərin əsas günü - martın 17-də başa çatacaq prezident seçkiləri bu gün başlayıb.

Əzizə Zeynal