Borrel ABŞ-yə SƏSLƏNDİ: "Əgər Putin Ukraynada qalib gəlsə..."

“Növbəti bir neçə ay Ukraynadakı müharibə ilə bağlı çox əhəmiyyətli olacaq. Bir çox analitiklər bu yay Rusiyanın böyük hücumunu gözləyirlər və Ukrayna ABŞ-də növbəti seçkilərin nəticəsini gözləyə bilməz".

Sfera.az xəbər verir ki, bunu Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Cozef Borrell Vaşinqtona səfəri zamanı bildirib.

O, Kiyevin Qərb müttəfiqlərini Ukraynaya yardımları artırmağa çağırıb.

Borrell Vaşinqtonda ABŞ dövlət katibi Entoni Blinkenlə görüşüb.

O, görüş zamanı bildirib ki, Rusiya Ukraynaya qarşı müharibədə qalib gəlsə, bunun faciəli nəticələri olacaq:

“Əgər Vladimir Putin bu müharibədə qalib gəlsə, Ukraynanı işğal etsə, Belarusda gördüyümüz kimi Kiyevdə də marionet rejimi quracaq. Sonra isə onu dayandırmaq mümkün olmayacaq".

Əzizə Zeynal