"2023-cü ilin sonunda xarici dövlət borcumuz 3,5 faiz azalıb" - Baş nazir
“Azərbaycan Respublikasının Nazirlər Kabinetinin 2023-cü ilə dair hesabat dövrü Heydər Əliyevin anadan olmasının 100 illik, İlham Əliyevin isə prezidentlik dövrünün 20-ci ildönümünə təsadüf edir”.
Sfera.az xəbər verir ki, bunu Milli Məclisin bugünkü iclasında hökumətin hesabatını təqdim edən Baş nazir Əli Əsədov deyib.
Əli Əsədov bildirib ki, həyata keçirilən kompleks tədbirlər sayəsində ölkəmizdə maliyyə sabitliyi təmin olunub:
“2023-cü ildə 2022-ci ilə nisbətdə 1.1 faiz çox artmış 123 milyard manatlıq ümumi daxil məhsul istehsal olunmuşdur. ÜDM istehsalı neft-qaz sektorunda 1.7 faiz azaldığı halda qeyri-neft sektorunda 3.7 faiz artıb. Qeyri-neft sənayesi 8 faiz artıb.2023-cü ilin sonunda xarici dövlət borcumuz 3.5 faiz azalaraq 6.46 milyard dollar olub ki, bu da ÜDM-in 8.9 faizini təşkil edib".
Firuzə Əliyeva
