Filmə bilet almaq istədi, 1750 manatından OLDU: "Həmin şəxs “qadın”la tanış olur..." - DİN-dən AÇIQLAMA
“Azərbaycanda vətəndaşlardan biri filmə baxmaq üçün 1750 manatından olub”.
Sfera.az bildirir ki, bunu DİN-in Mətbuat Xidmətinin əməkdaşı, polis baş leytenantı Zeyni Hüseynov deyib. O, hadisənin necə baş verdiyini izah edib:
“Həmin şəxs tanışlıq tətbiqlərindən birində bir “qadın”la tanış olur. Ona filmə getmək təklif edilir və buna görə də bilet almaq üçün link göndərilir. Linkə daxil olduqda isə 50 manat ödəniş üçün bütün kart məlumatlarını əlavə edir - son bitmə tarixindən CVV kodadək. Hətta telefonuna gələn təsdiq kodunu da yazır. Nəticədə hesabındakı bütün məbləğ sıfırlanır”.
DİN rəsmisi bu baxımdan, vətəndaşlara da müraciət edib:
“Bu hallarla qarşılaşmamaq üçün kart məlumatlarınızı sirr saxlayın, etibar etməyin, inanmayın. Belə hadisə ilə üzləşdikdə isə dərhal polisə məlumat verin”.
Günay
