Alimlər miqren tutmalarının tezliyini azaltmaq üçün yeni üsul kəşf ediblər

Arizona Sağlamlıq Elmləri Universitetinin alimləri müəyyən ediblər ki, daha yaxşı yuxu miqren tezliyini azaltmaq üçün bir yol ola bilər.
 

Sfera.az xəbər verir ki, araşdırmanın nəticələri "Brain Communications" jurnalında dərc olunub .
 

Tədqiqat zamanı alimlər müəyyən ediblər ki, laboratoriya siçanları yuxusuz qaldıqda, onların miqren kimi ağrıları daha çox hiss edir. Tədqiqatçılar gəmiricilərin yuxu rejiminin insanlarla eyni olduğunu aydınlaşdırıblar. Bu o deməkdir ki, siçanlarda və insanlarda gecə istirahətinin faza və mərhələlərinin növbələşməsi oxşar şəkildə davam edir.
 

Elektroensefaloqrafiyadan (beyin qabığından bioelektrik siqnalların qeydə alınmasına əsaslanan sinir sisteminin vəziyyətinin diaqnostikası üsulu) və vizual müşahidədən istifadə edərək siçanların sağlamlığının sonrakı tədqiqi göstərib ki, miqrenə bənzər ağrılar yuxunun keyfiyyətini aşağı salmayıb.
 

Alimlər yuxuya getmə və gündüz yuxululuq problemlərinə səbəbin miqren deyil, ağrı riskini artıran keyfiyyətsiz yuxu olduğunu irəli sürüblər. Tədqiqatçıların fikrincə, miqren xəstələri gecə istirahətinin keyfiyyətini yaxşılaşdırmaqla hücumların tezliyini azalda bilərlər. Bu, gündəlik stress səviyyəsini azaltmaqla da mümkün ola bilər.

İnci