Ərdoğanın qəzaya düşən konvoyunda yaralanan daha bir polis VƏFAT ETDİ

Türkiyə Prezidenti Rəcəb Tayyib Ərdoğanın yol qəzasına düşən konvoyunda yaralanan daha bir polis vəfat edib.

Sfera.az bildirir ki, bu barədə Türkiyənin daxili işlər naziri Ali Yerlikaya sosial media hesabında paylaşım edib.

Nazir bildirib ki, Şırnak Kəşfiyyat Şöbə Müdirliyinin polis əməkdaşı İlker Duran müalicə aldığı xəstəxanada vəfat edib. O, həmçinin, şəhidin ailəsinə başsağlığı verib.

Qeyd edək ki, Türkiyə Prezidenti Rəcəb Tayyib Ərdoğanın mühafizə qrupu Şırnakda yol qəzası keçirib. Hadisə Ərdoğanın Şırnakdakı proqramından sonra baş verib. Saat 15:00 radələrində Cizre Nusaybin şosesi, Çığır Köyü istiqamətində Nusaybin istiqamətində hərəkət edən Almaniya əsilli K.D-nin idarə etdiyi DU HZ 79 nömrəli avtomobil karvanı polis qruplarını daşıyan 73 EB 734 nömrəli avtomobillə toqquşub. Nəticədə Şırnakda xidmətdə olan polis məmuru Fırat Der qəzada həyatını itirib. Polis əməkdaşları O. K. və İ.D. yaralanıb. Yaralılar Cizre Dövlət Xəstəxanasına aparılaraq nəzarət altına alınıb.

Qəza ilə bağlı araşdırmalara başlanılıb.

Günay