Sahura qalxmaq vacibdirmi? - "Dinimizə görə..." + AÇIQLAMA

“Dinimizə görə sahura qalxmaq vacib deyil”.

Bunu Sfera.az-a açıqlamasında ilahiyyat üzrə fəlsəfə doktoru, deputat Ceyhun Məmmədov deyib. Onun sözlərinə görə, buna baxmayaraq, Ramazanda sahura qalxmaq dinimizdə tövsiyə edilən əməllərdəndir:

“Eyni zamanda, dinimizə görə sahura qalxmaq orucu bərəkətli edir. Məhəmməd Peyğəmbər (s) bu barədə buyurub: "Sahur yeməyini yeyin! Həqiqətən də obaşdanlıq yeməyində xeyir-bərəkət vardır”. Bu xeyir və bərəkətdən özümüzü məhrum etməyək”.

C.Məmmədov bildirib ki, bəzən insanlar müxtəlif səbəblərdən imsaka qalxmadan oruc tuturlar: “Əslində Ramazan öz ənənələri və ibadətləri ilə seçilən aylardandır. Çox ciddi səbəb yoxdursa, dinimiz bu əməli bəyənmir”.

Günay