Avropa İttifaqı süni intellekt haqqında qanunu təsdiqlədi
Avropa İttifaqı martın 13-də dünyada süni intellektə ən ciddi məhdudiyyətləri tətbiq edən süni intellekt haqqında qanun qəbul edib.
Avropalı qanunvericilər etiraf qanunun hələ də düzəlişə ehtiyacı olduğunu desə də,Aİ Avropa Komissiyasının tərkibində müstəqil qurum olan Süni İntellekt Ofisi yaratmalıdır.
Sfera.az bildirir ki, süni intellekt haqqında qanun Aİ-nin rəsmi jurnalında dərc edildikdən sonra qüvvəyə minəcək.
Agentliyin qeyd etdiyi kimi, qanunun əsas məqsədi süni intellektin tətbiqi ilə bağlı tərtibatçılar və mütəxəssislər üçün aydın tələb, öhdəliklərin müəyyən edilməsidir.
Qanun Aİ-yə üzv dövlətlər tərəfindən imzalandıqdan və Aİ-nin Rəsmi Jurnalında dərc edildikdən sonra qüvvəyə minəcək. Hazırda Avropa Parlamentinin 523 üzvü yeni tənzimləyici qaydaların qəbulunun lehinə, 46-sı əleyhinə, 49-u isə bitərəf qalıb.
Eyni zamanda, qanunun qəbulu texnologiya şirkətlərinin məhdudiyyətlərin həddən artıq uzağa getməsindən narahat olduğu bir vaxtda baş verir. Təkcə onlar deyil, bəzi Aİ ölkələri də yeni qaydalara qarşıdır. Məsələn, Fransa Almaniya ilə birlikdə məhdudiyyətlərin yumşaldılmasını istəyib.
Yeni qaydalar nəyi təmin edir?
Sənəddə yer alan yeni qaydalar süni intellektin vətəndaşların hüquqlarını təhdid edən müəyyən tətbiqləri qadağan edəcək. Xüsusilə, biometrik təsnifat, eləcə də sifətin tanınması məlumat bazaları yaratmaq üçün İnternetdən üz təsvirlərinin və ya müşahidə kameralarından qeydlərin məqsədsiz çıxarılması bu qadağalara aiddir.
Qanun həmçinin iş yerlərində və məktəblərdə emosiyaların tanınması üçün süni intellektin istifadəsini qadağan edəcək və iş müraciətlərinin çeşidlənməsi kimi vəziyyətlərdə tətbiqi məhdudlaşdıracaq.
Süni intellekt qanununun perspektivləri
Avropa qanunvericiləri qanunun hələ də üzərində işləməyə ehtiyacı olduğunu etiraf edirlər. Buna nail olmaq üçün Avropa İttifaqı Avropa Komissiyasının tərkibində müstəqil qurum olan Süni İntellekt Ofisi yaratmaq istəyir.
Xatırladaq ki, ötən ilin dekabrında Aİ siyasətçiləri Süni İntellekt Qanunu ilə bağlı siyasi razılığa gəliblər və süni intellektin tənzimlənməsinə dair ilk paktı qəbul ediblər. Bu blokun yeni texnologiyalarına dair ilk cəhdi olub. Danışıqlar 36 saat davam edib. Qanun mürəkkəb olduğundan, siyasətçilər onu texniki cəhətdən təkmilləşdirmək üçün vaxta ehtiyac duyacaqlar.
Aysel
Sfera.az
