Bu peşə sahiblərinə ehtiyac artdı, maaşlar 1200 dolları ötdü
Rusiyada kuryerlərə tələbat bu ilin qışında 2022-2023-cü illərin eyni dövrü ilə müqayisədə 34 faiz artıb.
Sfera.az xəbər verir ki, bununla bağlı məlumatı Rabota.ru xidmətinin analitikləri yayıb.
Analitiklərin araşdırmasına əsasən, kuryer peşəsinə tələb artdığından bu sahədə çalışanların əməkhaqlarında da yüksəlmə baş verib. Kuryer peşəsi üçün təklif olunan orta əməkhaqqı 38 faiz artaraq ayda 112 min rubl (1244 dollar) həddini aşıb.
Analitika və Məlumat Elmi xidmətinin direktoru Elena Artemyevanın TASS-a verdiyi şərhə əsasən, Rusiyada son bir neçə ildə kuryerlərə tələbat hər ay artıb. Onun sözlərinə görə, bunun bir neçə səbəbi var: “Kuryerlərə tələbatın artması ənənəvi olaraq bayram günləri ilə bağlıdır. Xüsusən də Yeni il öncəsi və sonrasında, eləcə də fevral və mart aylarında qeyd edilən xüsusi günlərlə bağlıdır”.
O qeyd edib ki, Rusiyada kuryerlərə artan tələbat logistika sənayesində kadr çatışmazlığı fonunda baş verir. Bu amil imkan verir ki, kuryerlərin maaşlarında da ciddi artıma gedilsin.
Vasif
