Telegram messencerinin qiyməti açıqlandı
Telegram investorlardan “30 milyard dollar və ya daha çox” ilkin qiymətləndirmə alıb.
Sfera.az xəbər verir ki, bunu sözügedən messencerin təsisçisi və sahibi Pavel Durov "Financial Times"a müsahibəsində bildirib.
Onun sözlərinə görə, məbləğ potensial investorlar, o cümlədən şirkəti almaq istəyən texnologiya fondları tərəfindən açıqlanıb. Eyni zamanda, Durov potensial IPO-nun müzakirəsi zamanı onun mümkünsüzlüyünü qeyd edərək, mövcud şəraitdə aktivin satışını istisna edib.
RBC daha əvvəl yazmışdı ki, ilkin kütləvi təklif 2025-ci ilə planlaşdırılıb.
Durovun izah etdiyi kimi, premium hesabların tətbiqindən və reklamın işə salınmasından sonra Telegram-ın gəliri “yüz milyonlarla dollar” təşkil edir və messencer bu il və ya gələn il qazanc əldə edə bilər.
İnci
