"Real Madrid"dən La Liqada REKORD - "22 oyundur ki, uduzmur"

Ötən gün İspaniya La Liqasının 28-ci turunun matçında "Real" "Selta"nı darmadağın edib (4:0). 

Sfera.az bildirir ki, Madrid komandası bununla ardıcıl 22 liqa matçında uduzmayıb.

Xatırladaq ki, Real Madrid La Liqada sonuncu dəfə təxminən beş ay əvvəl, sentyabrın 24-də məğlub olub. Bu, "Atletiko" ilə matçda baş verib (1:3).

Hazırda İspaniya çempionatının turnir cədvəlinə "Real Madrid" başçılıq edir. Los Blankos 28 turda 69 xal toplayıb. Real Madrid La Liqada növbəti matçını martın 16-da keçirəcək. Ançelottinin komandası səfərdə "Osasuna" ilə qarşılaşacaq.

Fatimə Lətif