"Mançester Siti" PSJ-nin hücumçusu Kilian Mbappeni əldən buraxdığına görə narahat deyil.

Sfera.az bildirir ki, klub rəhbərliyi Mbappenin “Real”a keçməsinin Erlinq Haalandın "Siti"dən Madrid klubuna keçidinə mane olacağını düşünür.

Xatırladaq ki, Mbappenin yay transfer pəncərəsində PSJ-dən ayrılaraq azad agent kimi "Real Madrid"ə keçəcəyi daha əvvəl bildirilmişdi. Fransız 2018-ci ildən parislilərin heyətində çıxış edir. Onun klubla müqaviləsi bu ilə qədər idi. 

Qeyd edək ki, Mbappeyə "Mançester Siti" də daxil olmaqla bir çox klublardan təklif gəlib.

Haaland 2022-ci ildən “Mançester Siti”nin rənglərini qoruyur. Hücumçunun klubla müqaviləsi 2027-ci ilə qədərdir. Bu mövsüm norveçli bütün turnirlərdə 32 matçda iştirak edib, 29 qol və 6 məhsuldar ötürmə ilə yadda qalıb.

Fatimə Lətif